Пет возачи лишени од слобода за безобѕирно управување возило

Од Министерството за внатрешни работи информираат дека во текот на изминатото деноноќие на целата територија на државата полициските службеници лишиле од слобода пет возачи поради безобѕирно управување возило.

— реклама —

Според МВР, двајца возачи од Куманово и Дебар управувале возило без возачка дозвола, еден возач на автопатот „Пријателство“ возел со брзина поголема од дозволената, додека двајца возачи од Кичево и Чашка управувале возило со изречена активна забрана за управување.

— реклама —

— реклама —

По целосно документирање на случаите ќе бидат поднесени соодветни кривични пријави, додаваат од МВР.

— реклама —

Од Министерството апелираат до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит, со изречена забрана или под дејство на алкохол, со цел зголемување на безбедноста во сообраќајот.