Петмина возачи биле лишени од слобода во текот на изминатото деноноќие поради сомнение за сторено кривично дело „безобѕирно управување возило“ согласно член 297-а од Кривичниот законик.
Меѓу приведените се четворица возачи кои управувале возила без да положат возачки испит. Станува збор за В.Н. (29) и Х.И. (20) од Скопје, Н.Н. (20) од Кавадарци и Р.Т. (20) од Куманово.
Полицијата го лишила од слобода и 56-годишната Љ.Ф. од Скопје, која управувала возило под дејство на алкохол и притоа предизвикала две сообраќајни незгоди.
Од МВР информираат дека по целосното документирање на случаите против петтемина ќе бидат поднесени соодветни кривични пријави.
