Петнаесетгодишник се повреди возејќи мопед без возачка дозвола

Петнаесетгодишно момче се здобило со повреди во сообраќајна незгода што се случила на регионалниот пат меѓу селата Долни Дисан и Тимјаник, во неготинско, соопшти Министерството за внатрешни работи.

— реклама —

Според информациите, малолетникот управувал мопед со неготински регистарски ознаки кога изгубил контрола над возилото и паднал на коловозот. По несреќата, со возило на Итната медицинска помош бил пренесен во Општата болница во Кавадарци, каде му била укажана лекарска помош.

— реклама —

— реклама —

Увид на местото извршила екипа од ОВР Неготино, при што било утврдено дека малолетникот го управувал мопедот пред да се стекне со право на управување.

— реклама —

По насоки на јавен обвинител, мопедот е одземен, а по целосното документирање на случајот ќе бидат поднесени соодветни поднесоци.