Петрушевски: Најголемата победа над талогот кој се храни со хистерија и безнадежност е успешна Македонија

Пратеникот од ВМРО-ДПМНЕ, Бране Петрушевски, преку објава на социјалните мрежи упати критики кон дел од опозициските структури, наведувајќи дека тие, како што вели, самите се препознале во терминот „општествен талог“.

„Општествениот талог, во кој дел од опозициските структури самите се препознаа, се храни со хистерија, страв и безнадежност. Се обидува да нѐ убеди дека ништо не може да се промени, дека успехот е невозможен и дека Македонија мора постојано да остане заробена во разочарувања и понижувања“, напиша Петрушевски.

— реклама —

— реклама —

Тој додава дека, според него, најголемиот пораз за политиката на страв е народ кој верува во себе.

— реклама —

„Македонија не се гради со лаги, цинизам и неверување. Македонија се гради со работа, знаење, одговорност и резултати“, наведува Петрушевски.

Во објавата тој истакнува дека обврска на власта е да создава држава во која успехот ќе биде вреднуван, способноста наградена, а надежта ќе биде посилна од, како што вели, секој обид за наметнување безнадежност.

„Најголемата победа над талогот не е во кажаните зборови. Најголемата победа е успешна Македонија“, порача Петрушевски.