Петрушевски: Падна монтираниот случај за политички прогон против ВМРО-ДПМНЕ

Пратеникот од ВМРО-ДПМНЕ, Бране Петрушевски, преку објава на социјалните мрежи реагираше по денешната судска одлука, оценувајќи дека со неа, како што наведува, „паднал монтираниот случај за политички прогон против ВМРО-ДПМНЕ“.

Петрушевски тврди дека предметот бил отворен од тогашното Специјално јавно обвинителство (СЈО) како дел од, според него, политички прогон насочен кон ВМРО-ДПМНЕ, со цел промена на името на државата.

— реклама —

Тој посочува дека судската одлука е последица на измените на Кривичниот законик донесени во 2023 година, за кои тврди дека биле предложени и изгласани од СДС.

— реклама —

— реклама —

„Колку и да се обидува СДС да ја префрли вината, фактите не можат да ги избришат. Предметот го отвори нивното криминално СЈО, а денешната пресуда е последица на измените на Кривичниот законик од 2023 година, кои СДС ги предложи и ги изгласа“, наведува Петрушевски.

Во својата објава тој додава дека јавноста, како што вели, добро памети на кој начин биле донесени измените на Кривичниот законик, наведувајќи дека тогаш постоеле сомнежи оти тие биле дел од пошироки политички договори поврзани со уставните измени.

Петрушевски упати и прашања до СДС, барајќи од партијата јавно да одговори, како што наведува, кој го нарачал политичкиот прогон против ВМРО-ДПМНЕ преку СЈО и зошто биле донесени измените на Кривичниот законик во 2023 година.

„Фактите се непријатни за СДС. Бегањето од сопствената одговорност преку политичка пропаганда не е политика, туку лицемерие“, се наведува во објавата на Петрушевски.