Петрушевски со обвинувања до Врховниот суд: Бесими и Етеми се ослободени, каков срам за правосудството

Врховниот суд на Африм Фидани диригиран од Филипче и Ахмети, ги ослободува од вина директорите на Тетовската болница во која се запали модуларната болница, вели Бране Петрушевски, заменик генерален секретар на ВМРО-ДПМНЕ и пратеник

— реклама —

„Каков срам за правосудството во Македонија.

Ај што им дадоа на првото судење по една и пол година казна на Флорим Бесими и Артан Етеми, па потоа Апелација им ги зголеми на 3 години, сега Врховниот суд предводен од рецидивите на СДС и ДУИ, ги ослободија овие двајца поранешни директори.

— реклама —

Дали е ова правдата која ја чекаа семејствата на загинатите од пожарот во модуларната болница? Филипче кој како министер  не е ни викнат на разговор, а сега на слобода да одат и братот на поранешниот министер за финансии Фатмир Бесими и Артан Етеми?

— реклама —

Филипче слободен, а сега и Бесими и Етеми ќе му се придружат. Луѓето кои беа најодговорни за пожарот во небезбедната болница и без минимум технички услови за работа, сега поради претседателот на веховниот суд Африм Фидани ќе шетаат слободни.

На остатоците на СДС и ДУИ мора да им дојде крај“, додава Петрушевски.