Од 25-ти до 27-ми јуни Охрид ќе биде домаќин на петтото издание на Ohrid Wine Festival, кој и годинава ќе понуди богата музичка програма, врвни вина и добра забава.
Фестивалот ќе започне на 25-ти јуни со настапите на Група Сарај, Дани Димитровска и Меморија.
Во рамки на вториот фестивалски ден, на 26-ти јуни, пред посетителите ќе настапат Брос и Марама, Ѓоко Ѓорчев и Кате Танева, Куку Леле и Пауза за ракија.
Завршната вечер, на 27-ми јуни е резервирана за Солзи и Смеа, DJ Fic, Битолскиот камерен оркестар и Суперхикс.
Настанот и оваа година се очекува да привлече голем број посетители од земјава и регионот, нудејќи можност за уживање во богат избор на вина и квалитетна музичка програма во уникатниот Охрид.
