„Пежо“ излетало од патот и се превртело кај Никуштак, две малолетнички тешко повредени

Две малолетни сопатнички се здобиле со тешки телесни повреди во сообраќајна несреќа на регионалниот пат Куманово–Липково, кај селото Никуштак, соопшти Министерството за внатрешни работи.

— реклама —

Несреќата се случила на 4 октомври околу 15:50 часот, кога патничко возило „пежо“ со кумановски регистарски ознаки, управувано од 33-годишната В.А. од Никуштак, излетало од коловозот и се превртело.

— реклама —

— реклама —

Во несреќата тешко се повредиле двете малолетни сопатнички, додека возачката се здобила со телесни повреди. Повредите биле констатирани во Општата болница во Куманово.

— реклама —

Увид на местото на несреќата извршила увидна екипа на СВР Куманово.