Полицијата привела 51-годишен маж во тетовско село, откако бил пријавен дека физички ги нападнал сопругата и нејзината малолетна ќерка, информира МВР.
Случајот бил пријавен на 31 август околу 19:40 часот, по што полициски службеници од СВР Тетово – Полициското одделение Теарце го лишиле од слобода Ј.Б. (51) од селото.
При преземањето на мерките било утврдено дека тој бил под дејство на алкохол, односно му биле измерени 1,85 промили алкохол во крвта. Според МВР, мажот бил агресивен и не ги почитувал наредбите на полициските службеници.
По целосното документирање на случајот, против него ќе биде поднесена соодветна пријава.
