Пијан 29-годишен посетител на Октоберфест предизвикал инцидент во близина на Минхен, откако најпрво повратил во такси, а потоа се скарал со возачот околу трошоците за чистење на возилото.
Инцидентот се случил во Штарнберг, југозападно од Минхен. Откако не успеал да се договори со таксистот, во расправијата се вмешал и друг возач, кој дошол да му помогне на колегата. Ситуацијата набргу прераснала во физичка пресметка, при што патникот и вториот таксист се здобиле со полесни повреди.
Но, тука не завршил инцидентот. 29-годишникот зел секира од блиската градина и му се заканувал на еден од таксистите. Потоа ја оставил секирата и зел цепаница, која ја фрлил кон возачот, но не го погодил него, туку во раката го погодил првиот таксист.
Поради високото ниво на алкохол во крвта, обвинителството наредило земање крв за анализа. Против 29-годишникот е поведена истрага, а се истражува и постапувањето на вториот таксист, кој дошол да му помогне на колегата.
