Педесет и двегодишен жител на Кавадарци бил лишен од слобода откако, според пријавата, извесен период ја вознемирувал својата 41-годишна поранешна сопруга, а при проверката било утврдено дека бил под дејство на алкохол.
Од МВР информираат дека на 7 септември во 15:20 часот полициски службеници од ОВР Кавадарци го лишиле од слобода Л.А.(52) од Кавадарци, постапувајќи по претходна пријава.
Според пријавеното, тој доаѓал во близина на домот и работното место на неговата поранешна сопруга и се обидувал да воспостави контакт со неа.
При преземените мерки и извршените проверки било констатирано дека Л.А. бил под дејство на алкохол, при што му биле измерени 2,81 промили алкохол во крвта.
Тој бил задржан во полициска станица, а за случајот бил известен јавен обвинител. По целосното документирање на настанот, од МВР најавуваат дека ќе биде поднесена соодветна пријава.
