Пијан машиновозач возел брз воз во Германија

Одземена му е возачката дозвола на машиновозач на брз воз во Германија поради возење со 2,5 промили алкохол во крвта.

— реклама —

Од германската железница соопштија дека инцидентот се случил вчера на редовна линија од Хамбург до Лајпциг.

— реклама —

Машиновозачот не застанал на станицата во Витенберг, а патниците пријавиле во полиција која го застанала возот на наредната станица во Битерфелд.

Полицијата со алкотест утврдила дека машиновозачот бил во алкохолизирана сосојба, па му ја одзела дозволата за управување со воз.

— реклама —

Германската железница покренала дисциплинска постапка кон машиновозачот, и испратила друг кој ги пренел патниците до Лајпциг со задоцнување од 65 минути.

Ова е веќе петти случај на одземање на дозвола на пијан машиновозач во изминатите неколку години во Германија.