СВР Тетово поднесе кривична пријава против две лица поради сомнение за сторено кривично дело „запуштање и малтретирање на дете“, откако тримесечно бебе било оставено на улица, а потоа паднало на асфалт.
Според МВР, пријавите се поднесени против В.М. (42) од Прилеп и Б.С. (37) од село во општина Желино. Настанот се случил на 14 јуни 2026 година во Тетово.
Како што информира полицијата, второпријавениот, кој бил под дејство на алкохол, ја напуштил првопријавената заедно со нивното тримесечно бебе на улица.
Потоа, според пријавеното, првопријавената ја превртела количката во која било бебето, при што детето паднало на асфалтот.
СВР Тетово по случајот поднесе кривична пријава против двете лица поради постоење основи на сомнение за сторено кривично дело „запуштање и малтретирање на дете“.
