Педесет и двегодишен прилепчанец е тешко повреден откако изгубил контрола над мопедот што го управувал и паднал на коловозот на улицата „Тетовска“ во Прилеп.
Според МВР, несреќата се случила вчера околу 14 часот. Т.П. (52) управувал мопед со прилепски регистарски ознаки кога изгубил контрола и паднал.
Тој се здобил со тешки телесни повреди, кои биле констатирани во Општата болница во Прилеп.
При извршените проверки било утврдено дека 52-годишникот управувал под дејство на алкохол, при што му биле измерени 1,03 промили алкохол во крвта.
На местото бил извршен увид од увидна екипа на ОВР Прилеп, а по целосното документирање на случајот ќе следува соодветен поднесок.
