Пијан возач тешко повреден откако излетал од патот Неготино–Штип

Тешки телесни повреди здобил 67-годишен жител на Радовиш откако со својот автомобил излетал од коловозот и се превртел на магистралниот пат Неготино–Штип.

— реклама —

Според информациите од Министерството за внатрешни работи, несреќата била пријавена на 18 јуни околу 16:50 часот. Патничко возило „опел“ со радовишки регистарски ознаки, управувано од С.Р. (67) од Радовиш, излетало од патот и се превртело.

— реклама —

Во несреќата возачот се здобил со тешки телесни повреди, кои биле констатирани во Клиничката болница во Штип.

— реклама —

По извршените проверки, полициските службеници утврдиле дека С.Р. го управувал возилото под дејство на алкохол, при што му биле измерени 0,50 промили алкохол во крвта.

— реклама —

Увид на местото на несреќата извршила увидна екипа на СВР Штип, а по целосно документирање на случајот ќе биде поднесена соодветна пријава.