Сообраќајна незгода во Берово довела до лишување од слобода на 62-годишен жител на беровското село Русиново, откако било утврдено дека управувал возило под дејство на алкохол.
Од МВР информираат дека на 19 август околу 17:40 часот полициски службеници од ОВР Берово го лишиле од слобода Љ.М. (62). Тој претходно со автомобил „форд“ удрил во паркирано возило, а потоа и во ограда од двор на куќа.
При преземањето на полициските мерки било утврдено дека возачот бил во тешко алкохолизирана состојба. Алкотестирањето покажало присуство на дури 2,62 промили алкохол во крвта.
На местото на несреќата бил извршен увид, а за случајот бил известен и јавен обвинител. По целосното документирање на настанот, против лицето ќе следува соодветна пријава.
