Полициски службеници од ОВР Прилеп вчера лишиле од слобода 49-годишен прилепчанец, откако при претрес на две локации биле пронајдени пиштол, муниција и други предмети.
Како што соопшти Министерството за внатрешни работи, на 14 септември во 11 часот од слобода бил лишен И.Р. (49) од Прилеп. Претресите биле извршени на две локации во градот, кои биле во негова сопственост, а по наредба на Основниот суд Прилеп.
При претресите биле пронајдени и одземени пиштол, 19 куршуми од различен калибар и други предмети.
Од МВР информираат дека по целосното документирање на случајот ќе биде поднесена соодветна пријава.
