Планинари пронашле безживотно тело на 2.500 метри надморска височина кај „Црн Врв“

Група планинари вчера во СВР Тетово пријавиле дека на пешачка патека, на надморска височина од околу 2.500 метри, на местото викано „Црн Врв“, забележале тело на повозрасно лице без знаци на живот.

— реклама —

Според пријавата, станувало збор за А.С. (74) од село Џепчиште. Неговиот идентитет бил потврден од М.Ј., кој претходно пешачел со него. За случајот бил известен дежурен јавен обвинител од ОЈО Тетово.

— реклама —

Поради непристапниот терен, за извлекување на телото биле ангажирани тимови од Специјалната антитерористичка единица „Тигар“ и Единицата за полициски намени при Одделот за воздухопловни единици на МВР.

— реклама —

Со хеликоптер телото било извлечено од планинскиот предел и пренесено во Одделот за судска медицина при Клиничката болница во Тетово.

По извршените прегледи било констатирано дека станува збор за природна смрт. По наредба на јавниот обвинител, телото на починатиот му било предадено на семејството за погреб.