Платила 800 евра на адвокат за правно застапување, а предметот не постоел – гостиварка пријавила измама

Триесет и четиригодишна жителка на Гостивар пријавила во полиција дека била измамена од адвокат од истиот град, кој, според нејзината пријава, ѝ зел 800 евра за наводно застапување по предмет што воопшто не постоел.

— реклама —

Како што информира Министерството за внатрешни работи, жената случајот го пријавила на 4 август во 12:20 часот во ОВР Гостивар. Според нејзините наводи, измамата се случила во текот на јуни годинава, по претходни консултации поврзани со службена постапка.

— реклама —

— реклама —

Адвокатот, според пријавата, побарал да му исплати 800 евра за наводно правно застапување. По извршените проверки, жената утврдила дека предметот за кој требало да биде застапувана воопшто не постоел.

— реклама —

Од МВР соопштија дека се преземаат мерки за целосно расчистување и документирање на случајот.