Платите во Македонија пораснаа за 8,2 проценти на годишно ниво, просечната плата во март 48.433 денари

Просечната исплатена нето-плата во државата во март достигнала 48.433 денари, што претставува раст од 8,2 проценти во споредба со истиот месец лани, покажуваат најновите податоци на Државниот завод за статистика.

— реклама —

Во однос на февруари, просечната нето-плата е повисока за 4,9 проценти, додека во споредба со просекот за целата 2025 година бележи раст од 7,2 проценти.

— реклама —

Најголемо годишно зголемување на платите е регистрирано во секторот транспорт и складирање, каде што просекот е повисок за 15,6 проценти. Следуваат дејностите поврзани со недвижен имот со раст од 12,2 проценти и секторот информации и комуникации со 11,6 проценти.

— реклама —

И на месечно ниво најголем раст има кај транспортот и складирањето, каде што платите се зголемени за 10,9 проценти. Во секторот недвижности растот изнесува 9,1 процент, а во информатичко-комуникациските дејности 8,5 проценти.

Од Државниот завод за статистика посочуваат дека раст бележи и реалната нето-плата, која во март била повисока за 3,1 процент во однос на март минатата година.