По две години бегство, во Арачиново приведен скопјанец баран со потерница за производство и пуштање во промет наркотични дроги

По две години бегство, 44-годишен скопјанец денеска бил лишен од слобода во Арачиново, соопшти Министерството за внатрешни работи.

— реклама —

С.И. (44) бил приведен околу 05:30 часот од страна на Секторот за меѓународна полициска соработка – Отсек за потрага, во содејство со Интервентната полиција.

— реклама —

Лицето се барало со централна потерница поради сторено кривично дело „неовластено производство и пуштање во промет наркотични дроги, психотропни супстанции и прекурсори“ по член 215 став 3 од Кривичниот законик. За делото бил осуден на казна затвор во траење од пет години.

— реклама —

Според МВР, С.И. бил во бегство од 2024 година.

— реклама —

Тој бил предаден во Полициската станица за општа надлежност Гази Баба за понатамошна постапка.