Албанската војска ќе го обезбедува единствениот меѓународен аеродром во земјата, откако вооружени мажи украдоа огромна количина на пари од авионот на Австралијан ерлајнс.
После филмската кражба на аеродромот во Тирана се уапсени четири лица, едно е убиено додека околу 40 се сослушани. Албанските власти не објавија за колкава сума на пари се работи, а медиумите пренесоа дека износот е 10 милиони евра.
Инаку во пукањето е убиен водачот на бандата Адмир Муратај, кој и бил добро познат на полицијата и со дебело криминално досие. Неговите соучесници, изрешетаниот Муратај го фрлиле покрај патот и го продолжиле бегството. Меѓутоа албанската полиција набрзо ги уапсила и останатите четворица разбојници.
Инаку Адмир беше актуелен по спектакуларното бегство од грчкиот затвор во 2013 година. Од тогаш беше во бегство а во меѓувреме направил низа кривични дела.
Да потсетиме, маскирани и вооружени ограбувачи влегле на влезот кој го употребуваат пожарникари, дошле до авионот во кој веќе се качиле патниците, и уфрлениот багаж меѓу кој била и пратката со пари.
Сведоци во авионот на линија за Виена, кој бил мета на разбојниците, рекле дека моторите на леталото инаку биле вклучени кога во средината на авионот влегле тројца напаѓачи.
Напаѓачите на персоналот му се заканиле со оружје им им наредиле да легнат на земја, ги земале парите и се пуштиле во бегство.
