По недоразбирање го пресретнале со две возила, еден од нив му вперил пиштол и го нападнал со кундакот

Скопјанец пријавил дека бил нападнат од неколку лица, при што едно од нив му репетирало пиштол, а потоа го удрило со кундакот.

— реклама —

Според информациите од Министерството за внатрешни работи, на 5 август околу 20:00 часот во СВР Скопје, Е.Ј. (25) од селото Крушопек пријавил дека на патот кон селото застанале две возила. Од едното возило излегле две лица, од кои едното држело остар предмет, а од другото возило излегол А.С.В. од селото Сарај, со кого претходно имале недоразбирање.

— реклама —

— реклама —

Според пријавата, А.С.В. репетирал пиштол кон пријавителот, а потоа физички го нападнал со кундакот од оружјето.

— реклама —

Од МВР информираат дека се преземаат мерки за целосно расчистување на случајот.