ВМРО-ДПМНЕ преку соопштение ги отфрла обвинувањата на СДСМ за наводно задоцнета реакција во справувањето со комарците во Скопје, наведувајќи дека годинава во главниот град досега биле спроведени вкупно 13 дезинсекции.
Од партијата посочуваат дека третманите се спроведуваат и против ларви и против возрасни форми на комарци. За ларвите, според нивните податоци, имало шест третмани – на 7 мај, 11 и 26 јуни, 10 и 23 јули и 11 август.
За возрасните форми на комарци, пак, биле реализирани шест серии дезинсекција во текот на јуни, јули и август, со авионски и теренски третмани.
Од ВМРО-ДПМНЕ додаваат дека, покрај редовните активности, биле извршени и три дополнителни прскања по епидемиолошка индикација – две во Драчево и едно во Гази Баба.
„Во Скопје не само што навремено е прскано против комарци, туку прскано е до денес, 13 пати“, велат од партијата, обвинувајќи го СДСМ за, како што наведуваат, лаги, манипулации и дезинформации.
Според ВМРО-ДПМНЕ, до крајот на сезоната се планирани уште повеќе од 20 дезинсекции против комарци.
Паралелно со третманите, се работи и на лоцирање на застоени води, а од партијата нагласуваат дека во овој период особено е важно теренското прскање.
„Сè што е во рацете на надлежните институции, тоа и се презема“, наведуваат од ВМРО-ДПМНЕ.
