По речиси 90 години потврдено постоењето на доцноантички мозаик во Пеленица

Вредно археолошко откритие е регистрирано на локалитетот Пеленица кај Драчево, каде што е пронајден доцноантички полихромен мозаик. Со ова, по речиси 90 години, се потврдени сознанијата за неговото постоење.

— реклама —

Како што соопшти Министерството за култура, истражувањата ги спроведува Националниот археолошки музеј, при што се пронајдени и керамички материјал и монета од истиот период.

— реклама —

— реклама —

Проектот е финансиски поддржан од Општина Кисела Вода, во соработка со Конзерваторскиот центар – Скопје и црквата „Св. Спас“ во Драчево.

— реклама —

Истражувањата ќе продолжат со геофизички испитувања во дворот на манастирскиот комплекс, а од наредната година се планирани и конзерваторски активности. Конечните резултати треба да откријат повеќе детали за големината на мозаикот и за архитектонскиот комплекс на кој му припаѓал.