Речиси 13 години по објавувањето на претходниот наслов од серијалот, компанијата Rockstar официјално ги отвори преднарачките за долгоочекуваната видеоигра GTA 6.
Стандардното издание на играта ќе се продава по цена од 79,99 долари, додека цената на Ultimate Edition ќе изнесува 99,99 долари.
Основната верзија ќе ја содржи само играта, заедно со дополнителни бонуси за корисниците кои ќе направат преднарачка, додека Ultimate Edition ќе понуди и дополнителни ексклузивни содржини.
Според објавените информации, физичкото издание на GTA 6 нема да содржи диск, туку само код за преземање на играта.
Од Rockstar засега не најавуваат GTA Online, а GTA 6 првично ќе биде достапна исклучиво како синглплеер искуство. Компанијата исто така потврди дека нема да има ран пристап (early access), што значи дека сите играчи ќе можат да ја играат играта на официјалниот датум на излегување.
Дополнително, развивачите најавуваат дека времето на вчитување ќе биде сведено на минимум, што треба значително да го подобри гејмерското искуство.
GTA 6 официјално ќе биде објавена на 19 ноември за конзолите PlayStation 5 и Xbox Series X/S, додека датумот за излегување на PC-верзијата сè уште не е соопштен.
