Триесет и тригодишен жител на Гостивар е лишен од слобода поради сомнение дека физички го нападнал својот татко по семејна расправија, соопшти Министерството за внатрешни работи.
Според МВР, на 6 јули во 00:20 часот, на улицата „Ј. Јорданоски“ во Гостивар, полициски службеници го привеле Р.С. (33), кој се барал во врска со кривичното дело „телесна повреда“ извршено при семејно насилство.
Претходно, на 5 јули околу 22:20 часот, во Полициската станица Гостивар, 56-годишен жител на Гостивар пријавил дека по вербална расправија во нивниот семеен дом бил физички нападнат од својот син.
Осомничениот е задржан во полициска станица за понатамошна постапка, а по целосното документирање на случајот против него ќе биде поднесен соодветен поднесок.
