Собранието попладнево ги изгласа измените и дополнувањата на Законот за минимална плата, кои предвидуваат минималната плата да изнесува 14.500 денари. Зголемувањето ќе започне да важи од декември. ПреДлог измените беа донесени по скратена постапка.
Опозицијатра обвини дека покачувањето на платата не е доволно за да го достигне потребниот минимум за преживување на едно семејство, како и дека решението е донесено несистемски и набрзина, без анализа за штетата која ќе биде предизвикана врз економијата и бизнисот, како и тоа дека периодот на носење на измените е сомнителен, пред избори.
Според пратениците од власта, покачувањето на платата е исполнување на она што е ветено во нивната програма со која дошле на власт.
– Не гледам ниту конфузност, ниту контрадикторност. Зголемувањето на минималната плата е решение коешто ќе ја зајакне социјалата, ќе го подигне стандардот и не е популистичка мерка, туку мерка согласно програмата, истакна пратеничката на СДСМ, Снежана Калевска.
