По сообраќајна незгода настанала расправија, па дошло и до физички напад

По сообраќајна незгода меѓу две возила дошло до физички напад кај местото викано „Врбица“, на патот Пршовце-Јегуновце.

— реклама —

Како што информира МВР, на 27 септември во 13 часот во Полициското одделение Теарце, 65-годишниот А.Е. од село Шемшево пријавил нарушување на јавниот ред и мир.

— реклама —

Според пријавеното, околу 11:15 часот, по сообраќајката, А.Е. се обидел да спречи вербален напад врз една од учесничките во незгодата. Во тој момент, вториот учесник во сообраќајката, И.Р. од село Пршовце, го удрил А.Е.

— реклама —

Присутни граѓани го спречиле И.Р., по што тој го напуштил местото.

Од МВР информираат дека се преземаат мерки за целосно расчистување на случајот.