Побарал лекарска помош, докторот го одбил, а обезбедувањето го исфрлило од Ургентниот центар во Гостивар

53-годишен гостиварец пријавил во полиција дека не добил медицинска помош во Ургентниот центар во Гостивар, и покрај тоа што побарал лекарска интервенција поради болки во стомакот.

— реклама —

Според информациите од СВР Тетово, А.И. на 1 ноември во 00:30 часот пријавил дека околу 23:40 часот побарал лекарска помош во Ургентниот центар, но дежурниот лекар одбил да му укаже помош или да го упати во друга здравствена установа.

— реклама —

— реклама —

Дополнително, според пријавеното, тој бил отстранет од просториите на Ургентниот центар од страна на службениците од обезбедувањето.

Од полицијата информираат дека се преземаат мерки за расчистување на случајот.