Основното јавно обвинителство Скопје поведе постапка против 41-годишен маж, осомничен за семејно насилство и телесна повреда.
Според Обвинителстовто, инцидентот се случил кога, во алкохолизирана состојба, осомничениот ја принудил сопругата да подигне пари од нејзината плата за да купи дрога. По пат назад започнал расправија, го запрел возилото и се обидел да ја прегази. Кога не успеал, и го одзел телефонот, ја удрил со шлаканица и со удари во лицето и вратот.
Жената се здобила со видливи повреди – нагмечувања на лицето, вратот и раката.
Јавниот обвинител предложи мерка забрана за приближување и контакт со жртвата, имајќи ја предвид сериозноста на нападот и ризикот од повторување.
