Победникот на „Ѕвездите на Гранд“ овва година е македонецот Бојан Илиевски, по триумфот во популарното музичко шоу отворено проговори за тешките моменти од својот живот и периодот кога, како што самиот призна, тргнал по погрешен пат.
Во разговор со новинарите, Илиевски откри дека имал тешко детство, дека многу рано почнал сам да работи и заработува, а во неговото воспитување значајна улога имала неговата баба.
„Имам завршено основно образование, нижо музичко училиште, средно музичко училиште, како и музичка академија во Словенија“, изјави Бојан.
На прашањето како дошло до тоа да се оддалечи од музиката и да тргне по погрешен пат во животот, пејачот искрено одговори дека пресвртниот момент била смртта на неговата мајка.
„Сè почна откако ми почина мајка ми. Едноставно се разочарав од животот. Повеќе од една година престанав и да работам. Тоа беше најтешкиот период во мојот живот“, рече Илиевски, додавајќи дека тогаш имал 21 година.
Сепак, победникот на „Ѕвездите на Гранд“ нагласи дека животот продолжува и дека сега е фокусиран на иднината.
„Најпрво сакам малку да се смирам и да се средам, а потоа ќе размислувам што понатаму“, истакна тој.
Илиевски најави дека во иднина ќе следуваат и настапи и концерти.
„Секако дека ќе има концерти.“, порача победникот на „Ѕвездите на Гранд“.
