Почина 13-годишникот кој беше прободен со нож во срце

Трагичен епилог доби тешката тепачка што се случи на крајот на август во Скопје, откако 13-годишното момче кое беше тешко повредено во инцидентот почина по повеќенеделна борба за живот, пренесува Тетова1.

— реклама —

Инцидентот се случил на 31 август околу 22 часот на улицата „Македонско-косовска бригада“ во Чаир, каде што дошло до физичка пресметка меѓу две групи. Во неа учествувале пет лица, од кои четворица биле малолетни, а едно полнолетно.

— реклама —

Во текот на пресметката биле употребени ножеви, а по интервенцијата полицијата одзела три ножа, гумена палка и други предмети.

Во инцидентот биле повредени повеќе лица, но најтешко поминал 13-годишникот. Тој веднаш бил пренесен во болница, каде што лекарите се бореле за неговиот живот.

— реклама —

По речиси три недели од тепачката, момчето им подлегнало на здобиените повреди. Информацијата за неговата смрт била објавена доцна синоќа од повеќе медиуми на албански јазик.

Трагичниот случај повторно го насочува вниманието кон насилството меѓу малолетниците и употребата на ножеви и други опасни предмети во пресметките меѓу младите.