Почина 47-годишен кумановец откако со автомобил излетал од патот Велес-Штип

Тешка сообраќајна несреќа се случила на магистралниот пат Велес–Штип, во близина на клучката за село Дорфулија во Општина Лозово, при што животот го загубил 47-годишен жител на Куманово.

— реклама —

Несреќата била пријавена на 10 септември во 14:05 часот во ОВР Свети Николе. Според пријавеното, патничко возило „шкода“ со кумановски регистарски ознаки, управувано од А.С. (47) од Куманово, излетало од патот.

— реклама —

Од здобиените повреди возачот починал на местото на несреќата. Лекар од Итната медицинска помош констатирал смрт.

Во несреќата со телесни повреди се здобила и неговата 44-годишна сопатничка Т.С. од Куманово. Таа била прегледана во Клиничката болница во Велес, каде што биле констатирани повредите.

— реклама —

По наредба на јавен обвинител, телото на починатиот било предадено на Институтот за судска медицина за обдукција.

— реклама —

На местото на несреќата бил извршен увид од јавен обвинител и увидна екипа на ОВР Свети Николе.