Светот на музиката остана без една од своите најголеми легенди. Доли Партон, американската кантри-ѕвезда и една од најпознатите пејачки во историјата на жанрот, почина на 80-годишна возраст.
Тажната вест ја соопшти нејзиниот внук Брајан Сивер преку објава на официјалниот профил на Партон на Инстаграм.
„Ја замислував тежината на овој момент, но навистина не ја почувствував досега. Тоа е чест, чест измешана со апсолутна гордост и голема тага“, напиша Сивер.
Партон зад себе остави кариера долга повеќе од шест децении и огромно музичко наследство. Таа е автор и изведувач на некои од најпознатите песни во кантри-музиката, меѓу кои „Jolene“, „9 to 5“ и „I Will Always Love You“. Во текот на кариерата освои 11 награди „Греми“ и продаде повеќе од 100 милиони плочи ширум светот.
Покрај музиката, Партон беше успешна актерка, претприемачка и филантропка. Таа ја основаше „Imagination Library“, преку која на деца им се обезбедуваат книги, а беше активна и во бројни хуманитарни проекти.
Нејзината смрт доаѓа само неколку дена откако Партон јавно зборуваше за своето здравје и за тешкотиите со кои се соочувала во последниот период.
