Почина Самка Ибраимовски, поранешен пратеник и лидер на ПЦЕР

Почина Самка Ибраимовски, долгогодишен политички активист и лидер на Партијата за целосна еманципација на Ромите (ПЦЕР), кој во текот на својата кариера беше пратеник во Собранието на Македонија и министер без ресор.

— реклама —

Веста за неговата смрт ја објави „Рома Прес“, од каде што се простија од него со емотивна порака, истакнувајќи дека оставил белег во политичкиот живот.

— реклама —

Ибраимовски со години беше активен во политиката и се залагаше за правата и интересите на ромската заедница. Покрај функциите пратеник и министер без ресор, извршувал и директорска функција.

— реклама —

„Денес нè напушти човек кој остави свој белег во политиката“, се наведува во прошталната порака на „Рома Прес“.

— реклама —

Засега не се соопштени информации за причината за смртта.