Тажна вест денеска ја сподели македонскиот пејач Маријан Стојаноски, кој соопшти дека починал неговиот син Петар.
Стојаноски веста ја објави на својот профил на Фејсбук. Засега не се познати повеќе детали за причините за смртта.
Маријан и неговата сопруга Наташа Стојаноска се родители на три деца – две ќерки и синот Петар. Семејството својот приватен живот главно го чуваше подалеку од јавноста, иако Наташа повремено објавуваше семејни фотографии на социјалните мрежи.
Петар е роден во декември 2021 година. По неговото раѓање, Маријан ја сподели радосната вест дека семејството добило син.
Сопружниците претходно ја добија ќерката Вероника, а подоцна семејството се прошири со уште една ќерка.
Маријан и Наташа се долгогодишни партнери. Тие се свршија во 2019 година, а една година подоцна стапија во брак.
Маријан Стојаноски е познат на македонската јавност по својата долгогодишна музичка кариера и повеќето фестивалски настапи. Тој е вработен во хорот на Националната опера и балет, а во последните години поретко се појавуваше во јавноста и повеќе време посветуваше на семејството.
