Починал 67-годишник откако го прегазил трактор на бензинска пумпа во Скопје

Трагичен инцидент се случил на бензинска пумпа на улицата „Методија Андонов-Ченто“ во Скопје, каде што 67-годишен маж бил прегазен од сопствениот трактор, по што починал од здобиените повреди.

— реклама —

— реклама —

Според информациите од МВР, настанот бил пријавен на 12 ноември околу 12:30 часот. Мажот од населбата Сингелиќ го наполнил тракторот „ИМТ“ со гориво и го паркирал, но додека стоел покрај него, возилото одеднаш самостојно се придвижило и го прегазило со задното тркало.

— реклама —

— реклама —

Тој бил пренесен во Ургентниот центар при комплексот клиники „Мајка Тереза“, каде што во 20:30 часот лекар констатирал смрт. Увид на местото извршила екипа на СВР Скопје.