Починат 58-годишен маж пронајден на улица во Гостивар

Тело на 58-годишен маж било пронајдено на улицата „Беличица“ во Гостивар, а лекарите од Итната медицинска помош констатирале смрт. При интервенцијата не биле забележани видливи траги на насилство, информира Министерството за внатрешни работи.

— реклама —

Според полицијата, на 6 ноември, околу 19:50 часот, Итната медицинска помош од Гостивар пријавила во СВР Тетово дека добила повик за укажување лекарска помош на лице на улицата.

— реклама —

— реклама —

По пристигнувањето, лекарот констатирал дека мажот е починат. Утврдено е дека станува збор за М.Ф. (58) од Гостивар.

— реклама —

На местото бил извршен увид од полициска екипа на ОВР Гостивар и дежурен јавен обвинител од Основното јавно обвинителство Гостивар. По наредба на обвинителот, телото е предадено на обдукција, која треба да ги утврди причините за смртта.