Средствата за правата од социјална, детска и цивилна заштита за август 2026 година од денеска им се достапни на корисниците, соопшти Министерството за социјална политика, демографија и млади.
Оние кои имаат дебитна картичка можат да располагаат со средствата преку подигнување готовина од банкомати, но и со безготовински плаќања во продажните места. Средствата се достапни и преку електронско и мобилно банкарство.
Корисниците кои немаат платежна картичка, пак, можат да ги подигнат средствата во сите отворени филијали и експозитури на банките.
Исплатата се однесува на сите права од социјална, детска и цивилна заштита за месец август 2026 година.
