Во Македонија започна зимското сметање на времето. Стрелките на часовниците ноќеска во 3 часот по полноќ се поместија еден час наназад, односно на 2 часот.
Со ова, граѓаните добија еден час повеќе сон, а зимското сметање на времето ќе трае до 28 март 2027 година, кога часовниците повторно ќе се поместат еден час нанапред.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
На зимско сметање на времето традиционално се преминува последниот викенд во октомври, во ноќта меѓу сабота и недела, додека летното сметање на времето започнува последната недела во март, кога стрелките се поместуваат еден час нанапред.
Пред неколку години, Европската Унија покрена иницијатива за укинување на практиката на двојно менување на времето во текот на годината. По јавните консултации, во кои учествувале 4,6 милиони граѓани, 84 проценти од нив се изјасниле за укинување на оваа практика.
Европскиот парламент во 2019 година ја поддржа иницијативата, но конечна одлука сè уште не е донесена поради недостиг на согласност меѓу земјите членки на Европската Унија.
