Педесет и шестгодишен жител на скопското село Миладиновци починал во Комплексот клиники „Мајка Тереза“ во Скопје, неколку дена откако бил примен со тешки телесни повреди, соопшти Министерството за внатрешни работи.
Според МВР, на 12 јули околу 06:45 часот од болницата било пријавено дека починал М.А. (56) од село Миладиновци. Тој бил хоспитализиран на 8 јули, кога, според пријавеното, се здобил со тешки телесни повреди по пад од терасата на првиот кат од куќа.
По насоки на јавен обвинител, телото на починатиот е предадено на Институтот за судска медицина за обдукција.
