Почина еден од најзначајните претставници на современата уметност, германскиот уметник Тим Улрихс, соопшти Уметничкото друштво на Хановер во четвртокот. Тој почина претходниот ден, на 87-годишна возраст.
Улрихс повеќе од половина век ја обликувал уметноста со свои „одлучно провокативни дела“, наведува Друштвото, опишувајќи го како борбен, прониклив, суптилно духовит и строг творец.
Тој се смета за една од клучните фигури на современата уметничка сцена во Германија, познат по својот неконвенционален пристап и концептуални дела што често ја преиспитуваат самата природа на уметноста.
