Македонскиот медиумски простор остана без едно од своите најпрепознатливи и највпечатливи лица.
Семејството соопшти дека по кратко боледување починала Лилјана Алтипармакова, долгогодишна новинарка и уредничка која целиот свој работен век го посвети на јавниот сервис, Македонската радио-телевизија, стои во соопштението.
Нејзината професионална кариера е тесно поврзана со историјата на МРТ ,каде се наведува дека започнала како спикерка со препознатлив глас и дикција, а подоцна се афирмирала како уредничка и новинарка.
Колегите ќе ја паметат како врвен професионалец и посветен медиумски работник, додека јавноста ја препознаваше како дел од генерацијата што го градела јавниот сервис, се наведува во информациите.
Последното испраќање ќе се одржи утре, 22 април, во 11:30 часот на гробиштата „Бутел“ во Скопје, информираат од семејството.
