Актерката Мери Егида Ривера, која се прослави со својата кратка, но впечатлива улога во филмот „Спајдермен: Нема пат до дома“, почина на 82-годишна возраст.
Ривера починала на 15 април во Хонолулу, но информацијата за нејзината смрт стана јавна дури на почетокот на август. Според членовите на нејзиното семејство, претходно доживеала мозочен удар, по што паднала во кома. Лекарите процениле дека шансите за закрепнување се минимални, па семејството одлучило да биде исклучена од апаратите за одржување во живот. По смртта била кремирана.
Иако настапот во „Спајдермен: Нема пат до дома“ беше нејзина единствена филмска улога, таа остави силен впечаток кај публиката. Во една од најзапаметените сцени, нејзиниот лик на тагалог го замолува Спајдермен да ја отстрани пајажината од таванот, а сцената стана омилена меѓу обожавателите на филмот.
Во филмот таа играше покрај Том Холанд, Зендаја, Џејкоб Баталон и Ендрју Гарфилд, кој повторно се појави во улогата на Питер Паркер.
Зад Мери Егида Ривера останаа нејзиниот сопруг Алехандро, децата, 11 внуци и четири правнуци.
„Спајдермен: Нема пат до дома“ беше еден од најголемите филмски хитови во 2021 година, со заработка од околу 1,9 милијарди долари ширум светот. Неговото продолжение, „Спајдермен: Сосема нов ден“, неодамна ја имаше својата премиера и веќе бележи рекордни приходи на кино-благајните.
