Почина Томислав Стојановски-Бомбај, поранешен пратеник во Собранието на Република Македонија и претседател на Демократската партија на Македонија (ДПМ). Тој е роден во 1940 година во Тетово, а завршил Машински факултет.
Беше избран за пратеник од редовите на ДПМ на изборите во 1994 година, а беше и кандидат за градоначалник на Тетово во неколку наврати. Стојановски беше долгогодишен директор на Средното земјоделско училиште „Моша Пијаде“ во Тетово. Бил и директор на енергетското одржување на некогашниот текстилен гигант „Тетекс“. Откако се пензионираше, Стојановски го основа Тетовскиот фолк фестивал што се одржуваше во манастирскиот комплекс во селото Лешок.
