На 71-годишна возраст почина Проф. д-р. архитект Јован Стефановски Жан. Тој беше автор на многу објекти во државата и странство. Меѓу неговите најпознати дела се Милениумскиот крст на Водно, новиот објект на МНТ и преку 550 други објекти. Во својот работен век се занимава со архитектонско проектирање. Реализирал повеќе објекти од општествен, трговски и угостителски карактер. Посебно внимание посветил на станбената архитектура.
Роден во Скопје 1948 година, дипломирал на Архитектонско-градежниот факултет во Скопје (1973).
Заедно со Оливер Петровски, Жан е автор на Милениумскиот крст кој се наоѓа на врвот Крстовар на планината Водно, непосредно над градот Скопје. Изграден е во чест на две илјади години христијанство во Македонија и доаѓањето на новиот милениум.
