Почина Сејда Бешлиќ, сопругата на легендарниот пејач Халид Бешлиќ, по подолго боледување, објавија медиумите во регионот.
Сејда Бешлиќ со децении беше најголемата поддршка на својот сопруг, со кого го помина речиси целиот живот. Нивната љубовна приказна често беше посочувана како пример за верност, почит и меѓусебна поддршка.
Според објавените информации, нејзината здравствена состојба била нарушена во изминатиот период, а последните месеци водела тешка битка со болеста.
Од Сејда Бешлиќ се простуваат членовите на семејството, пријателите и бројните почитувачи на семејството Бешлиќ. Таа ќе остане запаметена по својата скромност, достоинство и безрезервна поддршка што му ја давала на својот сопруг во текот на неговата богата музичка кариера.
