Почина поранешниот фудбалер Васил Рингов, еден од најголемите фудбалери во македонскиот фудбал.
Рингов е поранешен македонски, но и југословенски репрезентативец. На клупски план остави длабока трага во тимот на Вардар.
Рингов, кој се прослави во вардаровиот дрес освојувајќи ја шампионската титула во поранешна Југославија во 1987 година, е роден во Струмица во 1955 година, каде и ја започна својата кариера во Беласица, по што настапуваше за Партизан, Тетекс и Вардар, каде го остави најдлабокиот печат. Во вардаровиот дрес одигра над 200 лигашки натпревари и постигна 93 гола, запишувајќи се како една од најголемите негови легенди.
Кратко настапуваше и за Динамо Загреб, како и за германскиот Ајнтрахт Брауншвајг.
Има одиграно над 200 натпревари и до денес важи за еден од најдобрите македонски фудбалери.
