Собраниската Комисија за финансирање и буџет денеска ќе расправа за Предлог – буџетот на Република Северна Македонија за 2020 година. Власта догодина сака да троши рекордни 3,9 милијарди евра. Најмногу за плати, пензии и социјала. Опозицијата критикува и ќе нападне со над 300 амандмани.
Власта очекува конструктивност за предлог буџетот, а опозицијата е бесна.
Министерката за финансии ќе го брани пред пратениците својот прв буџет. Таа очекува процесот да помине главно во демократски амбиент:
„Очекувам ефикасна, ефективна и конструктивна дебата кој што пред сѐ и единствено ќе биде во интерес на граѓаните", изјави Ангеловска.
Проекциите во буџетот се правени врз основа на предвиден раст за следната година од 3,8 отсто од БДП, кој се базира на растот на приватната потрошувачка, извозот и јавните и приватните инвестиции. Буџетскиот дефицит за 2020 година е определен на ниво од 2,3 отсто.
фото: Архива